30-03-2019, 15:00 Oxunub: 426

Bakıda avtomobili sərxoş halda idarə edən 19 sürücü saxlanılıb – REYD

 Bakıda avtomobili sərxoş halda idarə edən 19 sürücü saxlanılıb – REYD















Martın 29-da Bakı Şəhər Baş Polis İdarəsinin tabeli orqanları tərəfindən cinayətkarlıqla mübarizə, ictimai qaydanın qorunması və ictimai təhlükəsizliyin təmin edilməsi, inzibati hüquqpozmalara qarşı əməliyyat-profilaktik, profilaktik-maarifləndimə tədbirləri keçirilib.

Bakı şəhər Baş Polis İdarəsindən verilən məlumata görə, paytaxtda nəqliyyat axınının intensiv olduğu yollarda hərəkət iştirakçılarının – sürücü və piyadaların hüquqi maarifləndirilməsi ilə bağlı fərdi söhbətlər aparılıb. Söhbətlərdə inzibati xəta tərkibi yaradan hərəkətlərin təkcə qanun pozuntusu yox, həm də insanın həyat və sağlamlığı, maddi ziyana səbəb olan fəsadlar izah olunub.

Paytaxt üzrə keçirilən kütləvi tədbirdə əsas məqsəd yol hərəkətinin təhlükəsizliyinin etibarlı təminatında hər bir insanın məsuliyyət hissinin artırılması olub. Fərdi profilaktik söhbətlərdə yol polisi, ictimai təhlükəsizlik idarə və şöbələrinin əməkdaşları ilə yanaşı, ictimaiyyət və KİV nümayəndələri iştirak ediblər.

Ümumilikdə yol hərəkəti qaydalarını pozan 896, o cümlədən kobud qayda pozuntusuna yol verən 130 sürücünün barəsində İXM-nin müvafiq maddələri ilə inzibati xəta haqqında protokollar tərtib olunub, çoxavazlı səs siqnalları, səs boğucular, sayrışan işıqlar, pərdə, plyonka və qanunla qadağan olunmuş digər əlavə avadanlıqlar quraşdırılan, eləcə də konstruksiyasında dəyişiklik edilən 17 nəqliyyat vasitəsi saxlanılaraq mühafizə olunan duracağa yerləşdirilib, avtomaşını sərxoş halda idarə edən 19, avtoxuliqanlıq edən 2 sürücü, yolu müəyyən olunmayan yerdən keçən 295 piyada, sərnişin daşıma qaydalarının pozulması ilə bağlı 50 fakt müəyyən olunaraq müvafiq tədbirlər görülüb.

Eləcə də keçirilən əməliyyat və profilaktiki tədbirlər nəticəsində küçə ticarəti ilə məşğul olduqlarına görə 106, avara və dilənçiliklə məşğul olduqlarına görə 14 nəfər müəyyən olunub.

Paytaxt polisinin inzibati ərazisində xidmətin nümunəvi təşkili və aparılması, asayişin, vətəndaşların qanuni mənafelərinin hüquqazidd əməllərdən etibarlı qorunması nəzarətdə saxlanılmaqla, müvafiq tədbirlər davam etdirilir.
Bakıda dilənçi özünü yandırdı — 2 polis yaralandı Bakıda dilənçi özünü yandırdı — 2 polis yaralandı Hadise Yol polisi sürücülərə müraciət etdi Yol polisi sürücülərə müraciət etdi Sosial Bakı Şəhər Baş Polis İdarəsi dəhşətli statistika açıqladı Bakı Şəhər Baş Polis İdarəsi dəhşətli statistika açıqladı Sosial İyunun 1-də Bakı küçələrində reyd keçiriləcək - SƏBƏB? İyunun 1-də Bakı küçələrində reyd keçiriləcək - SƏBƏB? Sosial Bakı Şəhər Baş Polis İdarəsi: Paytaxtda bütün qanunsuz aksiyaların qarşısı alınıb Bakı Şəhər Baş Polis İdarəsi: Paytaxtda bütün qanunsuz aksiyaların qarşısı alınıb Gundem