Rusiya erməniləri müharibəyə hazırlayır? - NƏ ETMƏLİ?
Hadise
Oxunub: 40
4 may 2021 | 16:51
Rusiya erməniləri müharibəyə hazırlayır? - NƏ ETMƏLİ?


İndi də Ermənistana hərbi “bronjiletlər”in göndərilməsi bir daha təsdiq edir ki, Rusiya öz işindədir, Ermənistana hər cür hərbi dəstək verməkdə davam edir? Belə iddialar da səslənir ki, Rusiyada müəyyən dairələr Ermənistanı yeni müharibəyə hazırlayır. Bu, nə dərəcədə əsaslıdır?

AMİP sədri Arzuxan Əlizadə “Yeni Müsavat”a bildirdi ki, hələ ötən ilin iyul hadisələrindən sonra Rusiyadan Ermənistana beş yüz min tondan artıq silah və hərbi sursat daşınması barədə məlumatlar ictimailəşmişdi. Azərbaycan Prezidenti də həmin vaxt bununla əlaqədar məsələyə sərt münasibət bildirmişdi. O zaman hərbi yüklərin ilkin olaraq Gürcüstan ərazisindən keçməklə Ermənistana çatdırılması faktı ortada olduğu üçün Gürcüstan rəhbərliyinə irad bildirilmişdi. Sonradan Gürcüstan öz ərazisindən hərbi yüklərin daşınmasına icazə vermədi və bu səbəbdən də Ermənistan üçün nəzərdə tutulmuş silahlar Türkmənistan, Qazaxıstan və İran üzərindən keçməklə düşmən dövlətə daşınmağa başladı: “Biz, AMİP olaraq iyul ayında bununla əlaqədar həmin 3 dövlətin Azərbaycandakı səfirliklərinə etiraz məktubları da təqdim etmişdik.

44 günlük Vətən savaşı dönəmində də, ondan sonra da Rusiyanın bu qondarma və marionet erməni dövlətinə müxtəlif çaplı silahlar da daxil olmaqla, hərtərəfli dəstək verdiyi sirr deyil. Bunu Rusiyanın bir sıra rəsmi və qeyri-rəsmi yetkililəri özləri də dəfələrlə etiraf ediblər. Müharibədə qəhrəman Azərbaycan Ordusunun sıradan çıxardığı və qənimət olaraq əldə etdiyi silahların də böyük əksəriyyəti Rusiya hərbi sənayesinin istehsalıdır. Həmçinin, martın 15-də Şuşa yaxınlığında tapılan “İsgəndər M” raketinin qalıqları da dediklərimizi bir daha sübut edir. Həm də ən əcaibi odur ki, bu silahlar terrorçu ermənilərə havayı verilir, çünki bu qondarma və səfil dövlətin həmin silahları pulla ala bilmək imkanı da yoxdur.

Hazırda Azərbaycan tərəfinin real faktlara söykənən iradlarını cavablandırmaq əvəzinə Rusiya yenə də öz ampluasındadır və terrorçu erməni dövlətini, eləcə də Qarabağın dağlıq hissəsinə gətirib yerləşdirdiyi erməni separatçılarını silahlandırır, onlara hər cür dəstək verir. Məqsəd isə aydındır, bölgədə Azərbaycanın güclənməsinə mane olmaq və bəslədiyi erməni vandalları vasitəsilə bizi təzyiq altında saxlamaq".

A.Əlizadə hesab edir ki, ermənilərin silah və digər hərbi sursatlarla təchiz edilməsi reallığı dəyişəsi deyil: “Çünki artıq nə zaman o zaman deyil, nə də Azərbaycan bir neçə il əvvəlki dövlət deyil. Azərbaycan dövləti olaraq biz 44 günlük Vətən müharibəsində bunu təkcə Rusiyaya və Ermənistana deyil, bütün dünyaya sübut etdik. Əgər ehtiyac yaranacaqsa, bir daha dəmir yumruq kimi birləşərək düşmənin başını əzməyə gücümüz də yetərincədir.

O da danılmaz faktdır ki, Azərbaycanla yanaşı qardaş Türkiyə də bu bölgədə söz sahibidir. O səbəbdən də bölgədə siyasi, iqtisadi və digər maraqları olan qonşularımız, eləcə də yaxın və uzaq dostlarımız, həm də düşmənlərimiz bunun fərqində olmalıdırlar".

Sabiq maliyyə naziri Fikrət Yusifov “Yeni Müsavat”a bildirdi ki, artıq 44 günlük müharibədən ötən dövr ərzində ruslar bizə yetərincə problemlər yaşada biliblər. Bundan sonra onların daha eybəcər oyunlara imza atacaqlarına şübhə olmamalıdır. Bu səbəbdən bizim bir yolumuz qalır: “Biz Rusiya qarşısında geri çəkilməməliyik, xüsusilə də Türkiyə kimi qardaş dövlətin bizimlə bir yerdə olmasından maksimum yararlanmalıyıq. Əks halda, Rusiya bizim üzərimizə gəlməkdə davam edəcək. Bu həyasızlığın bir nümunəsi də onların durmadan Gürcüstan üzərindən müxtəlif əyri yollarla Ermənistana silah-sursat daşımaq cəhdləridir. Bu durumda bizim geriyə yolumuz yoxdur.

Gəlin hadisələrə bir qədər başqa müstəvidən baxaq. Sovetlər birliyi dağıldıqdan sonra ermənilər Ermənistanda olan azsaylı rusları oradan qovdular, erməni vətəndaşlarına Ermənistanda qeyri-dildə, o cümlədən rus dilində təhsil almağı qanunla qadağan etdilər və bu gün Rusiyanın oksigen yastığı ilə nəfəs alan Ermənistanda çoxluq ruslara “buradan rədd olun” deyirsə, biz nə üçün bundan nəticə çıxarmamalıyıq? Ancaq biz hələ ki bunun əksini edirik. Yüzlərlə rus məktəbi, az qala evdə də hamımız rus dilində danışırıq, məktəb və uşaq bağçalarında rus bölməsində yer tapmaq cəmiyyətin “ən müşkül işinə” çevrilibsə, ruslara Qarabağda etiraz etməyimizin nə mənası var? Qarabağda rusların özbaşınalığına şəraiti biz mülayimliyimizlə özümüz yaratmışıq və onun da bədəlini ödəməkdəyik. Ən təhlükəli işğal mədəni işğaldır. Silahla, top-tüfənglə olan bütün işğallar müvəqqətidir-erməni işğalı kimi.

Vəziyyətdən gerçək çıxış yolları varmı? Əlbəttə var. Bu yolların ən yaxşı nümunəsi Ermənistanda, Gürcüstanda, Ukraynada və Baltikyanı respublikalardadır. Gəlin konstitusiyamızda vətəndaşlarımızın qeyri dildə təhsil almasını yasaqlayan dəyişikliyi ümumxalq müzakirəsinə çıxaraq, onda görün Rusiya hakimiyyəti və bu hakimiyyətin trolları nə hala düşəcəklər. Hələ mən demirəm ki, Ukraynada olduğu kimi rus dilində danışığa görə cərimələr tətbiq edək. Hər bir tərəflə onların başa düşdüyü dildə danışmağı bacarmalıyıq. Əks halda, rus da, qeyriləri də durmadan bizim üzərimizə gələcəklər. Erməniləri silahlandırmağın başqa adı yoxdur-Rusiya erməniləri Azərbaycanla savaşa hazırlayır".
Dünən, 23:39
Təhsil sistemi necə iflic duruma salınır - GƏLİŞMƏ
Dünən, 23:15
Ağsu Rayon İcra Hakimiyyətinin başçısı Rövşən Bağırov ilk iş gününə Ulu öndər Heydər Əliyevin abidəsini və Şəhidlər Xiyabanını ziyarət edərək başlayıb
Dünən, 22:53
Ağsu rayonunda Ümummilli Lider Heydər Əliyevin anadan olmasının 98-ci ildönümünə həsr olunmuş videokonfrans keçirilib
Dünən, 22:50
Masallı belə idarə olunur... - İTTİHAM
Dünən, 22:48
İkinci Dünya müharibəsində qələbənin 76-cı ildönümü qeyd olunub
Dünən, 22:45
Ağsu rayonunda Ümummilli Lider Heydər Əliyevin anadan olmasının 98-ci ildönümü qeyd edilib
Dünən, 22:35
Ümummilli Lider Heydər Əliyevin anadan olmasının 98-ci ildönümünə həsr olunmuş ağacəkmə aksiyası keçirilib
Dünən, 22:28
Prezident Rusiyanın xarici işlər nazirini qəbul etdi - FOTO
Dünən, 22:22
Sumqayıt təhsilində nələr baş verir? - İDDİA
Dünən, 21:46
Göyçayda MEYDAN SULAYAN KİMDİR? - NARAZILIQ!
Dünən, 21:23
"Təcrübəyə deyil, qohumluq və tanışlıq əlaqələrinə üstünlük verilir..." - NARAZILIQ!
Dünən, 20:52
AAAF Park sakinindən şikayət: - “Kommunal xərclər artıq yazılır”
Dünən, 20:18
Cəza müddəti bitən şəxs necə əfv siyahısına salınıb? - “Əfv haqqı” nə qədərdir?
Dünən, 19:19
Araik Ağdamın kəndində yeni xaçkar abidəsinin açılışını etdi... - FOTO
Dünən, 18:50
Son bir həftədə nə qədər ərazi minadan təmizlənib?
Dünən, 18:20
Xəstəxanalardakı qanunsuzluqlarla əlaqədar istintaq davam etdirilir - RƏSMİ
Dünən, 18:11
İlham Əliyev Naxçıvanda Vətən müharibəsi şəhidlərinin məzarlarını ziyarət edib - FOTO
Dünən, 17:44
Məhərrəm Əliyev: "Ermənilər daima aranı qatmağa çalışır, müəyyən narazılıqlar yaradırlar"
Dünən, 17:21
ABŞ Əfqanıstandakı qoşunlarını Özbəkistan və Tacikistanda yerləşdirmək istəyir
Dünən, 16:43
Bakıda zibilxanada insan ayağı tapıldı
Dünən, 16:17
Lukaşenkodan fərman: Prezident öldürülərsə...
Dünən, 16:00
Mayın 14-dək olan hava proqnozu açıqlandı
Dünən, 15:34
İşğaldan azad olunan ərazilərdə “Xarı bülbül” maketləri ərsəyə gətirilib - FOTO
Dünən, 15:02
ABŞ-da fövqəladə vəziyyət rejimi elan edildi
Dünən, 14:17
DSX-nin həbs edilən vəzifəli şəxsləri azadlığa buraxıldı
Dünən, 13:03
Prezident Culfa-Ordubad magistral avtomobil yolunun açılışında iştirak edib
Dünən, 12:58
Prezident Ordubad Su Elektrik Stansiyasının tikintisi ilə tanış olub