13-05-2020, 11:48 Oxunub: 142

AzTV-nin efirində məmurlar sərt tənqid edildi: “Vəzifələrinə hörmət etmirlər” – VİDEO

AzTV-nin efirində məmurlar sərt tənqid edildi: “Vəzifələrinə hörmət etmirlər” – VİDEO


Azərbaycan Televiziyasının (AzTV) “Çıxışa doğru” verilişində korrupsiya və rüşvətxorluğa qarşı mübarizə tədbirləri, eləcə də ictimai qınaq və vətəndaş fəallığı müzakirə edilib.

Milli Məclisin deputatı Arzu Nağıyev qeyd edib ki, bəzi məmurlar tutduqları vəzifəyə hörmət etməlidirlər: “Problem ondadır ki, məmurlar öz vəzifələrinə hörmət etmirlər. Göründüyü kimi, cənab Prezident onları təyin edəndə tapşırıq və tövsiyələrini birmənalı şəkildə verir. Məmurlar, eləcə də millət vəkilləri vətəndaşları dinləməli, o problemlərin həlli ilə məşğul olmalıdırlar”.

Hüquq üzrə fəlsəfə doktoru Çingiz Qənizadə deyib ki, bəzən vətəndaşların hüquqlarını bilməməsi məmurlara daha rahat hərəkət etməyə imkan verir: “Xüsusilə regionlarda vətəndaşlar öz hüquqlarını bilmirlər. Bu da həm də onunla bağlıdır ki, bölgələrdə əhalinin çox hissəsinin başı daha çox kənd təsərrüfatı işlərinə qarışıqdır, sosial şəbəkələrdən bir qədər uzaqdırlar və s. Ancaq biz problemin həlli yollarını axtarmalıyıq. Bəzən müraciətin, şikayətin təkrar olaraq şikayət olunan yerli quruma qaytarılması vətəndaşda məyusluq yaradır”.

“Konstitusiya” Araşdırmalar Fondunun rəhbəri Əlməmməd Nuriyev bildirib ki, ictimai nəzarət üçün vətəndaşın informasiyaya çıxışı təmin olunmalıdır: “İcra hakimiyyətləri hesabatlarını saytlarında yerləşdirməlidir. Gəlin, baxaq görək, nə qədər icra hakimiyyəti strukturu bunu edir?!”

Ə.Nuriyev qeyd edib ki, yerli icra hakimiyyəti orqanlarının yerli regional idarəetmə forması ilə əvəzlənməsi məsələsini də nəzərdən keçirmək olar: “Bəlkə də yerli icra hakimiyyəti orqanlarını yerli regional idarəetmə formasına qaldırmalıyıq. Bəlkə də bələdiyyələrin səlahiyyətini artırmalıyıq. Antikorrupsiya mədəniyyətini inkişaf etdirməliyik”.

Deputat: “Prezidentin korrupsiyaya və rüşvətxorluğa qarşı mövqeyi ortadadır” Deputat: “Prezidentin korrupsiyaya və rüşvətxorluğa qarşı mövqeyi ortadadır” Siyaset Deputatlar məmurları niyə vəzifədə olanda tənqid etmirlər? – AÇIQLAMA Deputatlar məmurları niyə vəzifədə olanda tənqid etmirlər? – AÇIQLAMA Sosial “Məmurlar özlərini apara bilmirlər, hamı nəticə çıxarsın “Məmurlar özlərini apara bilmirlər, hamı nəticə çıxarsın" - Prezident güzəşt olmayacağını bildirdi Siyaset Prezident Administrasiyasından rüşvətxor məmurlara şok zərbə - Eksklüziv Prezident Administrasiyasından rüşvətxor məmurlara şok zərbə - Eksklüziv Siyaset "Qanunu pozan bütün məmurlar işdən çıxarılacaq" - İqtidardan mesaj Gundem / Siyaset