“Şimal Donanmasının Mahnı və Rəqs Ansamblı Rusiya sülhməramlı kontingentinin bütün hərbçilərini təbrik etməklə Dağlıq Qarabağa Yeni il qastrol səfərini başa vurub. Yekun konsertlər Stepanakertdə(əslində Xocalı rayonundakı hava limanında-S.L.) Rusiya sülhməramlılarının qərargahının ərazisində keçirilib”. Moderator.az xəbər verir ki, bu məlumat yanvarın 10-u Moskva vaxtı ilə saat 05:00-da Rusiya Müdafiə Nazirliyinin rəsmi saytında yayılmış xəbərdəndir.

"Şimal Donanmasının Mahnı və Rəqs Ansamblı bu gün Yeni il və Milad bayramları münasibətilə təbriklərini tamamladı. Burada, Dağlıq Qarabağ ərazisində onlar 30-dan çox konsert veriblər. Bu, böyük zəhmətdir. Bütün müşahidə məntəqələrində, eləcə də müştərək Rusiya-Türkiyə mərkəzində və bilavasitə Rusiya sülhməramlı kontingentinin bazasındakı bütün şəxsi heyəti bu komanda təbrik edib”, - deyə Rusiya sülhməramlı kontingentinin nümayəndəsi Aleksey Qaliyev bildirib.

Məlumata görə, Rusiya ordusunun bəhs edilən ansamblı Əsgəran şəhəri, Xocalı, Xocavənd, Ağdam, Tərtər və Kəlbəcər rayonlarının bir hissəsində məskunlaşmış bütün erməniləri təbrik edib. Kollektiv həmçinin Xankəndindəki internat məktəbində keçirilən humanitar aksiyaya qatılıb...

P.S. Qazaxıstana artıq açıq təcavüz edən Rusiya ordusu Azərbaycan Respublikasının Qarabağ torpaqlarının xeyli hissəsində hələki konsert verir...