“Rusiya MN-in son xəritə oyunbazlıqlarının hədəfi Tərtər - Gəncə dəhlizidir...” - FAKT BUDUR!
Siyaset
Oxunub: 284
12 yan 2022 | 18:50
“Rusiya MN-in son xəritə oyunbazlıqlarının hədəfi Tərtər - Gəncə dəhlizidir...” - FAKT BUDUR!


“Rusiyanın dırnaqarası “sülhməramlı”larının Azəbaycan torpaqlarındakı real fəaliyyətlərində və məsuliyyət xəritələri üzərindəki suverenliyimizi təhdid edən əməllərinin mənzərəsini mən də izləyirəm. Və görürəm ki, bu məsələyə Moderator.az saytı xüsusilə həssas yanaşır. Amma çox təəssüf ki, belə ciddi məsələ Azərbaycan media məkanında geniş müzakirə olunmur. Rusiya hərbçilərinin Qarabağda və Laçın dəhlizindəki məsulliyyət zonalarının xəritəsindəki guya "yanlışlıq" və “texniki xəta” ları və Azərbaycanın həmin zonadan kənar yaşayış məntəqələri və yüksəkliklərini əsassız olaraq öz xəritələrinə yerləşdirməsi birinci hal deyil. 2020-ci ilin noyabrından bəri belə “xəta”lar gündəlik davam edir”. DİA.AZ xəbər verir ki, bu fikirləri Moderator.az-a açıqlmasında saytımızın son günlər də Müdafiə Nazirliyinin mətbuat katibliyi ilə əlaqəli şəkildə ictimailəşdirdiyi Rusiyanın rəsmən sülhməramlı sayılan hərbi konrtingentinin öz məsuliyyət zonaları xəritələrinə 44 günlük müzəffər savaşımızın nəticələrinə və 10 noyabr bəyanatına əsasən Azərbaycan dövləti və ordusunun birbaşa nəzarətində qalan Tərtər rayonunun Suqovuşan kəndini də, özü də "Madagiz" adıyla daxil edilməsinə münasibət bildirən politoloq Ərəstun Oruclu söyləyib.

“Tərtər rayonu, xüsusən Tərtər şəhərinə yaxın ərazidə yerləşən Suqovuşan, həmçinin eyni adlı rayonun Aprel döyüşləri və 44 günlük savaş zamanı da azad edilməmiş Seysulan istiqamətindəki məsələ daha ciddidir. Və hesab edirəm ki, məsələnin ciddiliyinin başlıca səbəbi Tərtərin geo-siyasi məkandakı vacib strateji mövqeyi ilə bağlıdır. İstər 2016-cı ildə Azərbaycan ordusunun sözügedən əraziləri, o cümlədən Seysulan kəndini işğaldan azad etməsinə müxtəlif təxribat və xəyanətlər yoluyla əngəllər yaradılması, istər 2020-ci ilin 44 günlük savaşında oxşar təxribatların təkrarlanması və nəhayət, Rusiyanın bugünkü davranışı, onun “sülhməramlı” ordusuna aid xəritədə qeyd edilən hoqqabazlıqlar(Özü də bu, əslində birbaşa Rusiya Müdafiə Nazirliyinə aid edilməli davranışdır. Çünki bəhs edilən xəritələrin dərc olunduğu sayt həmin quruma məxsusdur) çox pis və təhlükəli mətləblərdən xəbər verir. Və bu, Azərbaycan dövlətini və xalqını açıq-aşkar təhdid etməkdir. Putin rejimi tərəfindən təhdidin də səbəbi, zənnimcə, Kremlin Azərbaycandan ölkə ərazisindən keçən müxtəlif dəhlizlərə, kommunikasiyalara, yollara nəzarət tələb etməsidir. Baxmayaraq ki, Rusiya istər 44 günlük müharibəyədək, istərsə də ondan sonra bu tələbləri hiss etdirmirdi. Ancaq məhz 10 noyabr üçtərəfli bəyanat-razılaşmasından sonra bu məsələlər asta-asta gündəmə gəldi. Və məlum oldu ki, Moskvanın Azərbaycandan ciddi umacaqları var. Bunların da ən birincisi, ən başlıcası Azərbaycan ərazisindən keçən geo-siyasi əhəmiyyətli dəhlizlərə və nəqliyyat-kommunikasiya qovşaqlarına nəzarətin Rusiyaya verilməsidir” -deyə siyasi şərhçi açıqlamasının ardında söyləyib.

Ərəstun Oruclu konkret olaraq Suqovuşanın "Madagiz" adıyla Rusiya MN-in "sülhməramlı"ların məsuliyyət zonası xəritələrinə yerləşdirməsinə münasibət bildirib.

“Konkret olaraq Suqovuşan məsələsinə gəlincə, şübhə etmirəm ki, Rusiyanın bu məsələdə Azərbaycana verdiyi başlıca mesaj rəsmi Bakını güzəştə getmədiyi halda hələ də qorumaqda, silahlandırmaqda davam etdiyi erməni separatçıları vasitəsilə ölkənin hansısa bölgələrinin işğalıyla təhdid etməkdir. Düşünürəm ki, söhbət məhz bundan gedir. Amma çox təəssüf ki, Azərbaycanın çox strateji əhəmiyyətli bir ərazisi istər 1-ci Qarabağ savaşı, istər 2016-cı ilin Aprel döyüşləri, istərsə də 44 günlük II Qarabağ müharibəsindən sonra da və indi də təhdid altında qalmaqda davam edir. Şübhəsiz ki, bu, Tərtər şəhəri və ətraf ərazilərdir. Məhz Tərtərin işğalı və ona qonşu Goranboy rayonunun bir hissəsinin nəzarətə götürülməsi Rusiyaya öz “sülhməramlı” adlanan hərbi qüvvələrini daha da içəri ərazilərimizə sürüşdürərək mühüm geo-siyasi əhəmiyyətli Gəncə dəhlizini nəzarətə götürmək imkanı yarada bilər. Və çox güman ki, Rusiya MN bütün bu xəritə oyunbazlıqlarıyla ona eyham edir ki, Azərbaycan ona həmin dəhlizə nəzarəti dinc yolla götürmək imkanı versin və bununla da Kreml başqa təhdidlərdən əl çəksin. Amma buna yol vermək qeyri-mümkündür, çünki bu, Azərbaycanın faktiki olaraq ikiyə bölünməsi deməkdir. Və fikrimcə, Azərbaycan bu təhdidin reallığını nəzərə alaraq məhz Tərtər istiqamətində və oraya yaxın ərazilərdə istər müdafiə istehkamlarını, istərsə də hərbi hissələri, özəlliklə də xüsusi təyinatlı hərbi hissələri gücləndirməlidir. Eləcə də ümumiyyətlə, bölgəni bütün mümkün müdafiə və hətta hücum vasitələri ilə təzhiz etməlidir. Biz zərbəni iki istiqamətdə gözləməliyik və bunun hər ikisi məhz geo-siyasətlə, konkret olaraq Gəncə dəhlizi ilə bağlıdır. Və bunun biri Tərtərdir, ikincisi isə nə qədər təəccüblü olsa da, yenə də Tovuzdur".

"Rusiyanın xüsusən Qazaxıstandakı faciəvi olaylardan sonra Azərbaycanı yenidən hədəfə alması bizim üçün çox ciddi, çox ciddi bir siqnal olmalıdır. Və biz bunu nəzərə alaraq dediyim kimi, ən əhəmiyyətli, ən həssas nöqtələrdə hərbi hissələrimizi və onların təchizatını gücləndirməliyik. Bundan başqa, Azərbaycan müntəzəm olaraq Rusiya kontingentinin, Rusiya MN-in yol verdiyi pozuntularının cəmini toplayaraq Rusiya hökumətinə, onun Xarici İşlər və Müdafiə nazirliklərinə ünvanlanmış çox açıq və konkret bəyanat və notalar verməlidir. Və bütün bu bəyanat və notalar toplanmalıdır ki, sonra biz Rusiyanın “sülhməramlı” kontingentinin ya indidən ölkədən çıxarılması, yaxud da gələcəkdə onların ərazimizdə qalma müddətinin uzadılmaması üçün ciddi əsas gətirə bilək. Və bu gün Ermənistanın KTMT-də sədr olduğu və Qazaxıstan prosesində fəal iştirak etdiyi bir dövrdə Paşinyanın bilərəkdən guya Qarabağda Azərbaycan tərəfdən də terrorçuların olmasını car çəkdiyi bir vaxtda biz bu məsələlərə son dərəcə ciddi və həssas yanaşmalıyıq. Bütün bu məsələlərin, bütün bu oyunbazlıqların qarşısı çox qəti və sərt şəkildə alınmalıdır”- deyə politoloq vurğulayıb.
Bu gün, 17:47
Azərbaycanda referenduma gizli hazırlıq görülür? – “Gedin, adınıza kart açdırın…”
Bu gün, 17:25
Brüssel görüşü BÖYÜK SÜLHƏ yol açacaqmı? - GƏLİŞMƏ
Bu gün, 16:52
Lerik sakinlərinin ACINACAQLI HƏYATI... - VİDEOREPORTAJ
Bu gün, 16:19
“MOSKVA DA, BRÜSSEL DƏ İSTƏYİR Kİ, MÜNAQİŞƏ OCAĞI QALSIN” - Görünəni budur...
Bu gün, 16:00
Kəlbəcərdə "İstisu" sanatoriyasında dincəlmək istəyənlərə ŞAD XƏBƏR - VİDEO
Bu gün, 15:30
Azərbaycan hərbçiləri Türkiyədəki təlimdə növbəti tapşırıqları icra edib - VİDEO
Bu gün, 14:22
Dəmir Yollarına rəhbərlik ona həvalə edildi
Bu gün, 14:06
UÇAN, AZERBAYCAN ORTAK KADER VE KADİM DOSTLUKTUR
Bu gün, 13:52
Horadiz-Ağbənd dəmir yolu xəttinin Soltanlı stansiyasının təməli qoyuldu
Bu gün, 13:49
İlham Əliyev və birinci xanım Mehriban Əliyeva Füzuli və Cəbrayıla səfər ediblər
Bu gün, 13:03
Selçuk Bayraktar: “Ürəyimizdə bir zaman yara olan Qarabağ qardaşlığımızın zirvəsidir"
Bu gün, 12:58
Azərbaycan və Türkiyə prezidentləri “Texnofest Azərbaycan”ı ziyarət edəcək
Bu gün, 12:28
Kooperasiya Universitetində ata REKTOR, qızı isə PROREKTORDUR… – Eldar Quliyevin “təhsil biznesi”….
Bu gün, 12:12
Putin İlham Əliyevi təbrik etdi
Bu gün, 11:58
Bakıda “TEKNOFEST Azərbaycan” festivalı başlayıb
Bu gün, 11:25
Niderland Kralı Azərbaycan Prezidentini təbrik edib
Bu gün, 11:19
Azərbaycanda kimlərin koronavirus cəriməsi silinəcək? - AÇIQLAMA
Bu gün, 11:10
Biabırçılıq! İşçiləri görün necə aldadıb maaşlarını vermirlər - Bax Bu da Belə
Bu gün, 10:39
Azərbaycan hərbi pilotları beynəlxalq təlimdə - FOTO/VİDEO
Bu gün, 10:35
Səlim Müslümov ev dustaqlığına buraxıldı
Bu gün, 10:31
Bu gün “TEKNOFEST Azərbaycan” festivalı işə başlayır
Bu gün, 09:00
İlham Əliyev hakimiyyəti yenidən formalaşdırır... - Proses gedir... davam edəcək...
Dünən, 21:48
“Səhliyalı”nın “1000 bərəkət, halal nemət”inə haram qatan kimlərdir? - İTTİHAM VAR!
Dünən, 21:45
Milli komanda Daşkəndə yola düşdü
Dünən, 21:18
"Saxta hərbi biletlə at oynadanlar, Rusiyada gizlənələr mənə təzyiq göstərir" - Gədəbəydən Şikayət
Dünən, 20:24
Brüsseldə üçüncü raund: sülhə ümid varmı? - İNCƏLƏMƏ...
Dünən, 19:49
Təhsil Nazirliyi QANUNLARI NECƏ POZUR... - Ekspert danışır