11-07-2017, 11:33 Oxunub: 427

Azərbaycanda sosial ödənişlər bərpa edildi

Azərbaycanda sosial ödənişlər bərpa edildi

















70 min manat gecikdirilən sosial xarakterli ödənişlərin işçilərə ödənilməsi təmin edilib

Bu ilin yanvar-iyun aylarında vətəndaş müraciətlərinə əsasən Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin həyata keçirdiyi tədbirlər nəticəsində 70 828 manat məbləğində gecikdirilmiş sosial xarakterli ödənişlərin işçilərə ödənilməsi təmin olunub.

Nazirliyin İctimaiyyətlə əlaqələr şöbəsindən verilən məlumata görə, həmin məbləğin 93,6 faizini əmək haqları, 4,8 faizini işəgötürənlər tərəfindən ödənilməli olan sosial müavinət və kompensasiyalar, qalan hissəsini isə zərərə görə ödənclər təşkil edib. Ayrı-ayrı vətəndaşların işdən qeyri-qanunu azad edilmələri barədə müraciətləri də diqqətlə araşdırılıb və qanunvericiliyin tələblərinə zidd şəkildə işdən azad edildikləri müəyyən olunan şəxslərin əmək hüquqlarının müdafiəsi təmin edilərək onlar yenidən əvvəlki işlərinə bərpa etdiriliblər. Qeyd olunan tədbirlər çərçivəsində Dövlət Əmək Müfəttişliyi Xidmətinin əməkdaşları həmçinin aidiyyəti işəgötürənləri əmək haqqı və digər sosial xarakterli ödənişlərin işçilərə vaxtlı-vaxtında ödənilməsi ilə bağlı əmək qanunvericiliyinin aidiyyəti maddələri, işəgötürən tərəfindən əmək müqaviləsinin ləğv edilməsinin hüquqi əsasları barədə ətraflı məlumatlandırıblar.

Cari ilin ötən dövründə Xidmət tərəfindən respublikanın ayrı-ayrı orta ümumtəhsil məktəblərində maarifləndirmə tədbirləri də təşkil olunub. Tədbirlərdə əmək münasibətləri sahəsində uşaq hüquqları, uşaq əməyinin istismarı və məcburi əməyə cəlbetmə hallarına qarşı mübarizə, yaşı 18-dən az olan şəxslərlə əmək münasibətlərinə dair qanunvericilikdə əksini tapan müddəlar barədə geniş məlumatlar verilib.
DİQQƏT!!! Nazirlikdən müraciət - İşlər dayandırılmalıdır DİQQƏT!!! Nazirlikdən müraciət - İşlər dayandırılmalıdır Hadise Şəmkir rayon Əhalinin Sosial Müdafiə Mərkəzində Azad Şərifovun yolu Şəmkir rayon Əhalinin Sosial Müdafiə Mərkəzində Azad Şərifovun yolu Sosial İlham Əliyev bu dövlət qurumunu ləğv etdi, nazirliyin tərkibinə verdi - FƏRMAN İlham Əliyev bu dövlət qurumunu ləğv etdi, nazirliyin tərkibinə verdi - FƏRMAN Gundem “Azərinşaatservis”in işçilərinə gecikdirilmiş əmək haqqı ödənildi “Azərinşaatservis”in işçilərinə gecikdirilmiş əmək haqqı ödənildi Sosial Büdcəyə 400 min manat ödəndi Büdcəyə 400 min manat ödəndi Sosial