2-04-2020, 17:01 Oxunub: 131

Nazirlik müddəti artırdı — Hər ailəyə aylıq 216 manat

Nazirlik müddəti artırdı — Hər ailəyə aylıq 216 manat


Xüsusi karantin rejimi müddətində ünvanlı yardımın təyin olunma müddəti bitən ailələrə həmin yardımın verilməsi davam edəcək.
Bu barədə Əmək və Əhalinin Sosial Müdafiəsi Nazirliyindən məlumat verilib.

Qeyd olunub ki, ölkəmizdə koronavirus pandemiyasına qarşı mübarizə tədbirləri çərçivəsində aztəminatlı ailələrin sosial müdafiəsi diqqətdə saxlanılır.

Nazirlər Kabinetinin “Yeni növ koronavirus (COVID-19) pandemiyası ilə mübarizə şəraitində aztəminatlı ailələrə ünvanlı dövlət sosial yardımının verilməsi prosedurunun sadələşdirilməsi barədə” 1 aprel 2020-ci il tarixli Qərarı da bu məqsədə xidmət edir.
Qərara əsasən, ölkəmizdə martın 1-dən etibarən xüsusi karantin rejimi müddətində ünvanlı dövlət sosial yardımının təyin olunma müddəti bitən aztəminatlı ailələrə bu yardımın verilməsi karantin rejimi başa çatdığı tarixdən sonrakı ayın 1-dək uzadılır.

Belə ki, qanunvericiliyə uyğun olaraq, ünvanlı sosial yardımı ailəyə iki il müddətinə təyin olunur. Lakin indiki şəraitdə bu müddət bitdiyi halda, ailəyə yardımın verilməsi dayandırılmayacaq. Ailənin təkrar olaraq yardım üçün müraciət etməsinə ehtiyac qalmadan, eyni məbləğdə həmin yardımın xüsusi karantin rejimi dövründə də ödənişi davam edəcək.

Hazırda 70 minədək ailə ünvanlı dövlət sosial yardımı ilə təmin olunur və orta hesabla hər ailəyə aylıq 216 manat sosial yardım verilir.

Mart ayı ərzində 3516 ailəyə sosial yardımın verilmə müddəti başa çatsa da, yardımın ödənişi davam etdiriləcək.
Prezident 73 minədək aztəminatlı ailəni sevindirdi Prezident 73 minədək aztəminatlı ailəni sevindirdi Sosial Aztəminatlı ailələrin hər birinə 100 manat veriləcək — SƏRƏNCAM Aztəminatlı ailələrin hər birinə 100 manat veriləcək — SƏRƏNCAM Sosial Mart ayı üzrə sosial yardımlar tam ödənilib Mart ayı üzrə sosial yardımlar tam ödənilib Sosial 42425 ailəyə birdəfəlik yardım verildi 42425 ailəyə birdəfəlik yardım verildi Iqtisadiyyat İlham Əliyevdən aztəminatlı ailələrə bayram hədiyyəsi – Yardım ayıldı İlham Əliyevdən aztəminatlı ailələrə bayram hədiyyəsi – Yardım ayıldı Sosial