Rəfael Mehralıyevlə bağlı İLGİNC İDDİA... - Belə deyirlər...
Sosial
Oxunub: 64
25 noy 2021 | 17:23
Rəfael Mehralıyevlə bağlı İLGİNC İDDİA... - Belə deyirlər...


BŞİH-də Mənzil-Kommunal Təsərrüfatı Departament rəhbəri Rafael Mehralıyevlə bağlı ilginc iddialar yayılıb. Məlum olduğu kimi, R.Mehralıyevin “MTN” və “rabitə” işlərində adının keçməsi, qohumu olan Rabitə Nazirliyinin sabiq aparat rəhbəri Vidadi Zeynalovla birgə qanunsuz əməlləri haqda saysız-hesabsız xəbərlər tirajlanıb. Amma departament rəhbəri haqda ən ilginc məlumatlarıblogger Mehman Hüseynov yaydı. Bloggerə məlum olub ki, Mehralıyev xanımı Almaz Səfərovanın şirkətləri vasitəsi ilə büdcədən ayrılan pulları mənimsəyirmiş. Bu korrupsiya şəbəkəsində onun təsisçisi olduğu “Azinşaat 1” MMC xüsusi rol oynayıb. Şirkətin qeydiyyat ünvanı da elə Mehralıyevin şəxsi mənzilidir - Bakının Nərimanov rayonu, Əhməd Rəcəbli küçəsi, mənzil 48...
2011-ci ildə yaradılan bu MMC-nin direktoru isə Elşən Həsənli adlı şəxsdir. O, Sabunçu rayon icra hakimiyyətində vəzifə tutur. Blogger bildirir ki, elə qonşu mənzil olan ev 49 da Mehralıyev ailəsinə aiddir. Bu mənzildə “Azinşaat” MMC qeydiyyata alınıb. Təsisçiliyi illər sonra bacısı Aliyə Mehralıyevanın keçmiş əri Xəlil Sultanova aid olub. Onlar 2019-cu ildə boşanıblar və əmlakı bölə bilmədikləri üçün iş məhkəməyə gedib. Mehralıyevin başqa bir yeznəsi isə Eldar Şirinovdur. Meriyanın bu oliqarx məmurunun E.Şirinov adlı yeznəsi də “Ens İnşaat” MMC-nin rəhbəridir. Həmçinin “Rəşad Abadlıq” MMC da ailə podratına daxildir.
Araşdırmalar üzə çıxarıb ki, həm “Ens İnşaat” MMC, həm “Rəşad Abadlıq” MMC inşaat materiallarının alınması, yolların və evlərin təmiri, şəhərin kommunal təsərrüfat işlərini həyata keçirilməsində bütün tenderlərin qalibi olub. Nəticədə Rafael Mehralıyev yeznələrinin idarə etdiyi, əslində özünə məxsus olan şirkətləri tenderlərdə qalib çıxarmaqla dövlətin ayırdığı milyonlardan yüzminlərlə vəsaiti cibinə axıdıb. Bu korrupsiyanın nəticəsi olaraq yeznəsi E.Şirinov “Tuqay” adlı restoranı 2,5 milyon manata alaraq, 2.5 milyon manat da təmirinə pul xərcləyib. Sonra restoranın adını dəyəşərək “Favorit” qoyub. Bu obyektdən başqa, Balaxanıda Mehrəliyevə məxsus olan asfalt zavodunun içində E.Şirinovun “tol”, “emusya”, boya və səki daşları istehsal edən sexi var. Asfalt zavoduna Rafael Mehrəliyevin kiçik yeznəsi Xəlil rəhbərlik edir.
Bundan başqa, Rafael Mehrəliyevin digər yeznəsi olan Mübariz də Dərnəgüldə yerləşən Bakı şəhər İH-nin “Qış” qarajının müdiridir. Bakı şəhərində küçələrə asfalt çəkilişinə Rafael Mehrəliyevin əmisi oğlu Xəqani və qaynı Azər rəhbərlik edirlər.
Məlumata görə, Rafael Mehrəliyevin qardaşı Mübariz Mehrəliyev isə Türkiyəyə qaçıb və orada böyük biznes yaradıb. O, Mehrəliyevlərin digər qohumu, meriyada “tender kralı” kimi tanınan Ramazan Məmmmədovun pullarını Türkiyəyə çıxarıb və qardaş ölkədə ciddi biznes şəbəkəsi yaratmağa nail olub. Rafael Mehrəliyev isə həm öz pullarını, həm də Vidadi Zeynalovun pullarını Türkiyəyə qaçan qardaşına göndərərək orada böyük biznes qurmasını tapşırıb.
Departament rəhbərinin mediada adı həm də iş adamından rüşvət almaqda keçib. Belə ki, iş adamı İlham Qasımov zamanında Bakı Şəhər İcra Hakimiyyəti yetkillilərinə milyonlarla manat rüşvət verib. Həmin rüşvət isə əsasən “Real” MTK-nın tikdiyi binaların lahiyələrin təsdiq edilməsi üçün ödənilib. İlham Qasımovun Bakı şəhər İcra Hakimiyyətində əsas havadarı, hazırda Mənzil-Kommunal Təsərrüfatı Departamentinə rəhbəri vəzifəsini tutan Rəfael Mehrəliyev olub.
KİV – də R.Mehrəliyevin dəyəri milyonlarla ölçülən əmlakının da natamam siyahısı verilib: Nərimanovda Bakı klinikasının yanında 16 sot torpaq sahəsi, həmin klinikadan 200 metr qabağa 14 sot torpaq sahəsi, hazırda 15 milyona satışa çıxarılıb, İnqilab küçəsində, TQDK ilə üzbəüz milyonluq tikililər, Papanində “Kontakt Home” mağazalar şəbəkəsinə ayı 25 min manata icarəyə verdiyi obyekt...
Xatırladaq ki, Departamentin tabeliyində Mənzil-Kommunal Təsərrüfatı Birlikləri, “Lifttəmir” İstehsalat Birliyi, Sahibsiz Heyvanlara Qarşı Mübarizə İdarəsi, Əhaliyə Vətəndaşlıq Xidməti Tresti, Bakı Şəhər Yollarının İstismarı İdarəsi, İnzibati Binaların İstismarı İdarəsi, Xüsusi Təyinatlı Avtonəqliyyət İdarəsi, Təchizat və Komplektləşdirmə İdarəsi, Bakı Şəhər Fəvvarələrin İstismarı İdarəsi kimi qurumlar fəaliyyət göstərir. Bu amil daha az diqqət göstərilən bu idarələrə ayrılan külli miqdarda vəsaitlərin mənimsənilməsi üçün münbit şərait yaradır.
Çox maraqlıdır ki, Hacıbala Abutalıbovla uzun müddət işləyən R.Mehralıyevin adının MTN işi və digər qalmaqallı məsələlərdə keçməsindən sonra işindən azad olunacağı gözlənilirdi. Amma necə oldusa, yəqin itaətkarlıq göstərərək BŞİH-nin 2018-ci ildə təyin olunan başçısı Eldar Əzizovun rəhbərliyi altında işləməyə davam etdi.
Etibarlı mənbələrdən aldığımız məlumata görə, R. Mehrəliyev yaxın perspektivdə Bakı Şəhər İcra Hakimiyyətinin başçısı vəzifəsinə yiyələnmək fikrindədir və uzun zamandır qəlbində daşıdığı bu niyyətini həyata keçirmək üçün son həmləyə hazırlaşır. Məlumatda qeyd olunur ki, R.Mehrəliyev həmlə öncəsi arsenalında olan bir çox resursları səfərbər edib – pul buraxdığı KİV-də onun barəsində davamlı olaraq tərifli məqalələr dərc olunur, bir çox obyektlərini satışa çıxarması da əldə pul cəm etməyə hesablanıb.Bu isə o deməkdir ki, hakimiyyətin yuxarı eşelonunda korporativ maraq qarşılığında ona dəstək verməyə hazır olanlar vardır.

Nyus.Az
Dünən, 23:39
Müstəqim Məmmədov Tərtərlə Truskovetsi qardaş şəhərlər elan edəcək... - İcra başçısnın Truskovetsdən olan qonaqları...
Dünən, 22:50
ADPU Ağcabədi filialının professoru məcburi köçkün statusunu nece alıb?..
Dünən, 22:22
"AzerGold" şefi Zakir İbrahimovun QIZIL KİMİ OĞLU... - NƏ İŞLƏR ÇEVİRİR... FOTO
Dünən, 21:48
100 MİLYONLUQ KREDİTİ MİLYON-MİLYON “ƏRİTMƏK”... – Əmək Nazirliyindəki tender korrupsiyasının yeni detalları
Dünən, 21:18
“Holcim” rəhbərliyinin ŞÜBHƏLİ ƏLAQƏLƏRİ - İTTİHAM
Dünən, 20:45
Vidadi İsayev həbs kabusu yaşayır...
Dünən, 20:23
Sıra Vasif Talıbova ÇATIB? - İLGİNC İDDİALAR...
Dünən, 19:49
Mövlam Şıxəliyevlə bağlı Prezidentə müraciət - MTN generalını kim himayə edir?
Dünən, 19:19
Əli Həsənov villasında çalışdırdığı türkiyəli ustaya 1 900 manat pul atıbmış - FOTO
Dünən, 19:00
“Azərbaycan əsgərləri gələndə mən qaçdım, 11 əsgərim əsir düşdü” - Erməni zabitdən ETİRAFLAR
Dünən, 18:50
Göygöldə baş həkimin AİLƏ PODRATI... - İLGİNC FAKT
Dünən, 18:20
Adil Vəliyevin 10 illik XANƏDANI... - Və yaxud Sabunçu necə xaraba günə qaldı...
Dünən, 17:45
Kremlin Qarabağda “B” planı... - “...Gələcəkdə bu izin ardınca düşəcək”
Dünən, 17:23
Ermənilərin Soçi etirafları: Dəfn olunan “Artsax”, Paşinyanın razılaşdığı dəhliz... - NƏ BAŞ VERİR?
Dünən, 16:52
Azərbaycan Ordusu Çakatendə yeni mövqelərə yerləşib... - Kəndin üstündəki təpədə post qurub
Dünən, 16:22
Bir ildə 3 bəyanat! Soçinin əsas fərqi... - GƏLİŞMƏ
Dünən, 16:00
Azərbaycan avtomobili Türkiyəyə daxil olarkən sənədlərə baxılmayacaq
Dünən, 15:30
Məmur: “Ata Abdullayevə quzu təklif etdim, 10 min manat istədi”
Dünən, 15:26
“Nar” milli internet resurslarına dəstək olur
Dünən, 15:00
Dekabrın ilk gününə olan hava proqnozu açıqlanıb
Dünən, 14:26
Prezident sərəncam imzaladı
Dünən, 14:20
İlham Əliyev pakistanlı naziri qəbul etdi
Dünən, 14:16
Dünya Prezident İlham Əliyevi dünya səviyyəli qurucu lider kimi tanıyır - RƏY
Dünən, 13:12
DİN-də yeni təyinat
Dünən, 13:08
Azərbaycanda hərbi helikopter qəzaya uğradı - Ölənlər və yaralananlar var
Dünən, 13:04
Maşını nömrəsiz sürən qazi ilə polisin dialoqu - VİDEO
Dünən, 12:11
Avtomobillərin icbari sığortasında yenilik: Ödənişi bu şəxs edəcək